تعـــــــــــــــــــــــــــــــــــــــال
تعـال نرجـع الماضـي ونسترجـع بدايتنـا
إذا ودك ترى عـادي نراجـع كـل ماضينـا
تعال وشوفنا واشلـون كانـت فيـك طيبتنـا
وكيـف إنـا عطيناكـم هوانـا وكـل مافينـا
بغيتونـا وجيناكـم بطيبتـنـا .. وبرائتـنـا
وحبينا .. وأخلصنا.. وعاهدنـا .. وضحينـا
عطيناكم بعد أكثر مـن اللـي نعطـي اخوتنـا
ولاجاء يـوم وفكرنـا نـدور مـن يجازينـا
إذا مس الضرر منكـم احـد جينـا بفزعتنـا
يسابقنا الهوى والشوق حتـى فـي خطاوينـا
ندور للرضاء سكـه ونسعـى فـي بساطتنـا
بساطتنـا تمشينـا وجينـا صوبكـم جيـنـا
تعلمنـا نحـب .. وكيـف نتمـادى بمحبتنـا
حسافـه ماتعلمنـا نخـون ونرفـع يديـنـا
كرهنا حبكـم يومـن جرعنـا مـر حسرتنـا
وعرفنا إنا وفينـا .. ومالقينـا مـن يوفينـا
عرفنا ان الهوى كاذب .. وحنا الصدق عادتنا
نجازي بالوفاء قبل الصديق .. اللـي يعادينـا
ولو تـدرون حنـا مـن سخافتنـا وحماقتنـا
ولاحتى حتى حسبنا حسـاب نتوقـع تخلينـا
تهـل دموهنـا لامـن ذكرنـاكـم بلهفتـنـا
وتبتسمون اذا لحضـه بصدفـه مـر طارينـا
حسافه كانها ذكرى .. وهي ذكرى .. وخانتنا
بعد مالياس عذبنـا .. وماتـت كـل أمانينـا
بعـد هـذا تركتونـا نـدور نصـف حاجتنـا
ولاكنـا نبـي منكـم سـوى كلمـه تواسينـا
إذا العشره عليكـم هانـت وهانـت معزتنـا
عسى الله عن هوى الأنذال يابن الناس يغنينا
وحبيتوا لكم ثانين .. وزدتـوا فـي عداوتنـا
وحنا الله لنـا مـن جرحكـم يقـدر يشافينـا
نعاني من جروح الصد .. وبعد الصد وحدتنـا
نعاني مادرى عنا أحـد .. لـو كـان عانينـا
عساها ماتجي عنـد النـذل ياصـاح حاجتنـا
وبيلينـا بنفسـه وقتـهـا .. وألا ويبليـنـا
ترانا بعدكم شفنا عجايب فـي الزمـن جتنـا
لـك الله كاسـة العلقـم شربناهـا .. وثنينـا
تحسبون الهنا دايم وهو معنـا فـي صحبتنـا
وهو من كثر ماأبعد للسـراب المـر يحدينـا
وكـل هـذا ولازلتـوا تحـدونـا لعبرتـنـا
تحسبون الدموع تهون .. يوم الدمع معمينـا
حشى والله ماهانت دمـوع الشـوق ولهفتنـا
ولاطاحت لغير رضاكم اللـي صـار يضنينـا
أمانه كل هذا هان .. وهانـت حتـى طيبتنـا
وهانت عندكـم أيامنـا .. وأفـراح ماضينـا
عساها ماتجي عنـد النـذل ياصـاح حاجتنـا
وعسى الله عن هوى الأنذال يابن الناس يغنينا
الأربعاء يوليو 23, 2008 6:01 pm
